व्यवसायजन्य सुरक्षा तथा स्वास्थ्य केन्द्र (OSH) भैँसेपाटी, ललितपुरको सहकार्य एवं सहयोगमा आज मिति २०८१ माघ २८ गते सोमबार "व्यवसायजन्य सुरक्षा तथा स्वास्थ्य सम्बन्धी १ (एक) दिने सचेतनात्मक तालिम" सफलतापूर्वक सम्पन्न भएको छ। नेपाल इन्जिनियर्स एशोसिएसनको पुल्चोकस्थित भवनको प्रशिक्षण केन्द्रमा सम्पन्न उक्त तालिमबाट ३० जना युवा इन्जिनियर/आर्किटेक्टहरू लाभान्वित भएका छन्।
तालिम सञ्चालनमा आवश्यक सहयोग उपलब्ध गराइदिनु भएकोमा OSH, भैँसेपाटीलाई नेपाल इन्जिनियर्स एशोसिएसनको तर्फबाट हार्दिक धन्यवाद एवं आभार व्यक्त गर्दछौं।